Xalq deputatlari Oqdaryo tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi yig‘ilishi o‘tkazildi.

🔹Yig‘ilishda tuman hokimligi huzuridagi “Infratuzilma va ijtimoiy barqarorlik” hamda “Ijtimoiy daftarlar” jamg‘armalari mablag‘larining maqsadli sarflanishi yuzasidan tuman “Inson” ijtimoiy xizmatlar markazi rahbari N.Idrisxonovning hisoboti tinglandi.

🔹Hisobot davomida ehtiyojmand fuqarolarni qo‘llab-quvvatlash, ijtimoiy yordamlarni manzilli yetkazish, shuningdek ajratilgan mablag‘lardan samarali va maqsadli foydalanish borasida amalga oshirilayotgan ishlar muhokama qilindi.

🔹Yig‘ilish yakunida doimiy komissiya a’zolari tomonidan mazkur yo‘nalishdagi ishlarni yanada takomillashtirish yuzasidan tegishli tavsiyalar bildirildi.   

 🔹 Shuningdek, yig‘ilishda Xalq deputatlari Oqdaryo tumani Kengashi kotibiyati mudiri D.Adilova hamda kotibiyat bosh mutaxassisi F.Malikovalar ham ishtirok etdi.