Xalq deputatlari Pastdarg‘om tuman Kengashi deputati F.Turayev hamda mahalla faollari Charxin MFYDA istiqomat qilayotgan, chin yetim ro‘yxatiga olingan Rahimov Dilnur holidan xabar olib, u bilan dildan suhbatlar o‘tkazdilar.

Uchrashuv davomida Dilnurning hayot sharoiti, ta’lim-tarbiyasi va kelajakdagi orzu-intilishlari bilan qiziqilib, unga ma’naviy ko‘mak va qo‘llab-quvvatlash so‘zlari bildirildi.

Shuningdek, Dilnurni o‘z qaramog‘iga olib, mehr va g‘amxo‘rlik ko‘rsatayotgan Ruziyeva Mehri onaga mahalla faollari va deputatlar tomonidan samimiy minnatdorlik izhor etildi.

Bunday ezgu ishlar jamiyatimizda inson qadri va bolalar taqdiriga bo‘lgan e’tiborning yorqin namunasidir.