Urganch innvatsion universitetida tahsil oluvchi talaba yoshlar va shahar Kengashi deputati P.Ro‘ziboyev ishtirokida davra suhbati tashkil etildi. Suhbat o‘zaro hurmat ruhida hamda munozara shaklida olib borilib, talabalarni o‘qish faoliyati, darslarni o‘zlashtirish jarayonlari, oliy ta’lim sohasida amalga oshirilshi lozim bo‘lgan islohotlar hamda jamiyatimizdagi muammoli masalalar tahlil etildi. Unga ko‘ra talabalar tomonidan dars mashg‘ulotlarini qoldirilganlik holatlari va uni bartaraf etish jarayoni bilan bog‘liq bo‘lgan hujjatlarni yuritishdagi bo‘shliqlar yuzasidan takliflari olindi. Shuningdek, jamiyatimizdagi muammoli masalalar ham tahlil etilib, bu borada, ayniqsa, davlatimiz rahbari boshchiligida olib borilayotgan izchil islohotlarga to‘siq bo‘layotgan korrupsiya illati haqida so‘z bordi. Bu boradagi ishlarni amalga oshirishda jamiyatimizning elita qatlami hisoblangan talaba yoshlarning fikrlari tinglanib, takliflar yozib olindi.