Tumandagi ijtimoiy soxa obyektlaridagi qurilish-ta’mirlash ishlari deputatlar nazoratida

 2025-yilning 6-mart kuni Xalq deputatlari Quva tuman Kengashi deputatlari "Yuksalish” umummilliy
harakati Farg‘ona viloyati hududiy bo‘linmasi rahbariyati bilan hamkorlikda O‘zbekiston
Respublikasi Prezidentining 2023-yil 25-dekabrdagi “2024-2026 yillarda O‘zbekiston
Respublikasining ijtimoiy va ishlab chiqarish infratuzilmasini rivojlantirish chora-tadbirlari
to‘g‘risida”gi PQ-404-son Qarori ijrosi doirasida tumandagi Ittifoq mahalla fuqarolar
yig‘inidagi 15-son umumiy o‘rta ta’lim maktabida “IFTIXOR TA'MIR SERVIS” MChJ tomonidan
rekonstruksiya va kapital ta’mirlash, Pastki Xo‘ja Hasan mahalla fuqarolar yig‘ini
hududida joylashgan 24-son umumiy o‘rta ta’lim maktabida “VSO STROY HOLDING” MChJ
tomonidan maktabning 330 o‘ringa mo‘ljallangan yangi o‘quv binosini qurish bo‘yicha
olib borilgan ishlar holatini o‘rgandilar. 

 Deputatlar tomonidan o‘rganishlar davomida aniqlangan kamchiliklar bo‘yicha to‘plangan materiallar
Kengash raisiga taqdim etildi va rais tomonidan qurilish tashkilotlarining olib
borgan ishlari sifatiga huquqiy baho berish
zarurligi ta’kidlanib, mas’ullarga materiallarni tuman prokuraturasiga taqdim etish
vazifasi qo‘yildi.