ХАЛҚ ДЕПУТАТЛАРИ ЯНГИҚЎРҒОН ТУМАНИ КЕНГАШИ депутати Ғайбуллаев Шавкатжон томонидан ўз округи ҳудудида жойлашган 4-сонли умумтаълим мактабида ўрганиш ишлари олиб борилди.

 Жумладан, мактабнинг спорт зали ҳолати, унда ўқувчиларнинг жисмоний тарбия ва спорт билан шуғулланиши учун яратилган шарт-шароитлар атрофлича кўздан кечирилди.

Шунингдек, мактаб спорт залида ўқувчилар учун зарур бўлган спорт анжомлари билан таъминланганлик ҳолати ҳам атрофлича ўрганилди. Мавжуд анжомлар ҳолати, уларнинг етарлилиги ва самарали фойдаланилиши таҳлил қилинди.Ўрганиш давомида мавжуд имкониятлар, шунингдек, эътибор талаб этадиган жиҳатлар юзасидан тегишли хулосалар қилинди.