Tuman Kengashining navbatdagi sessiyasida tuman ichki ishlar bo‘limi tomonidan huquqbuzarliklarning oldini olish, jamoat xavfsizligini ta’minlash hamda huquqbuzarliklar profilaktikasi borasida amalga oshirilgan ishlar yuzasidan hisobotni ko‘rib chiqish belgilangan.
Mazkur masala yuzasidan sessiya oldi o‘rganishlari doirasida tuman Kengashi deputati D.Ummatov tomonidan Pastki So‘loqli mfyida o‘rganish ishlari olib borildi.
O‘rganish davomida deputat mahalla profilaktika inspektori bilan birgalikda hududdagi muammoli xonadonlarga tashrif buyurib, fuqarolarning murojaatlari, mavjud muammolari va ularning kelib chiqish sabablarini o‘rgandi. Shuningdek, oilaviy va ijtimoiy muammolarni bartaraf etish, huquqbuzarliklarning oldini olish hamda fuqarolar bilan profilaktik suhbatlar olib borish masalalariga e’tibor qaratildi.
O‘rganishlar yakunida aniqlangan muammolar yuzasidan tegishli xulosa va takliflar shakllantirilib, navbatdagi sessiya muhokamasida inobatga olinishi nazarda tutilgan.