ITTIFOQ MAHALLASIDA AHOLI MUAMMOLARI O‘RGANILDI 

Xalq deputatlari Quva tuman Kengashi deputati, kotibiyat mudiri R.Nodirov hamda
Kengash kotibiyati bosh mutaxassisi A.Fozilovlar tomonidan tumandagi Ittifoq
mahalla fuqarolar yig‘inida mahalla mas’ullari ishtirokida aholi muammolari
o‘rganildi. 

O‘rganishlar davomida asosiy e’tibor mahalla fuqarolari bilan bevosita muloqot o‘tkazish
orqali ularni qiynayotgan muammolarni aniqlashga qaratildi. Jumladan, kommunal
xizmatlar sifati, elektr ta’minoti, yo‘llar holati, ichki infratuzilma hamda
aholini qiynayotgan boshqa dolzarb masalalar yuzasidan fuqarolarning
fikr-mulohazalari tinglandi. 

O‘rganish jarayonida aniqlangan muammolarni bartaraf etish yuzasidan mutasaddi tashkilot
va mahalla mas’ullariga aniq vazifa va tavsiyalar berildi. Murojaatlarni
ijobiy hal etish, fuqarolar bilan ishlash samaradorligini oshirish va amalga
oshirilayotgan ishlar ustidan doimiy deputatlik nazorati o‘rnatilishi alohida
ta’kidlandi.