MAHALLADA MANZILLI YORDAMLAR SAMARADORLIGI O‘RGANILDI 

Xalq deputatlari Quva tuman Kengashi deputati B.Sharipov hamda kotibiyat bosh mutaxassisi M. Toʻxtasinov hamkorlikda M. Xasanov
mahalla fuqarolar yig‘ini hududida o‘rganish ishlarini olib bordilar. 

O‘rganish jarayonida mahalla mas’ullari ishtirokida aholining tomorqa yerlaridan samarali foydalanishi, ular orqali qo‘shimcha daromad
manbalarini yaratish bo‘yicha amalga oshirilayotgan ishlar tahlil qilindi. Shuningdek, kambag‘allik reystrida turgan oilalar hamda nogironligi bo‘lgan fuqarolarga ko‘rsatilayotgan ijtimoiy yordamlar, ularning natijadorligi va aholi hayotiga ta’siri manzilli o‘rganildi. 

O‘rganish davomida fuqarolar bilan ochiq muloqot o‘tkazilib, ularning muammo va takliflari tinglandi. Mutasaddilarga mavjud kamchiliklarni
bartaraf etish, aholini qo‘llab-quvvatlash tizimini yanada takomillashtirish yuzasidan tegishli tavsiya va topshiriqlar berildi.