#deputat_okrugida #mahalla_yettiligi_bilan_hamkorlik
#deputat_foliyati #kotibiyat_xodimi_faoliyati

Takiya mahallasida jamoat xavfsizligi masalalari muhokama qilindi

Xalq deputatlari Qiziriq tumani Kengashiga 3-Takiya saylov okrugidan saylangan deputat A. Abdunazarov hamda tuman Kengashi kotibiyati bosh mutaxassisi A. Mamarajabov deputatning saylov okrugidagi Takiya mahallasida profilaktika inspektorining faoliyati bilan tanishdi.

O‘rganish davomida mahallada huquqbuzarliklarning oldini olish, jamoat tartibini saqlash va aholi uchun xavfsiz muhitni ta’minlash borasida amalga oshirilayotgan ishlar yuzasidan ma’lumotlar tinglandi.

Shuningdek, mahalla hududidagi kriminogen vaziyatni barqaror saqlash, huquqbuzarliklarni barvaqt aniqlash va ularning oldini olish, sodir etilgan huquqbuzarliklarga qonunchilikda belgilangan tartibda barham berish bo‘yicha amalga oshirilayotgan chora-tadbirlar muhokama qilindi.

Ayniqsa, yoshlar va voyaga yetmaganlar o‘rtasida huquqbuzarliklar profilaktikasi, ularni turli salbiy ta’sirlardan asrash, bo‘sh vaqtini mazmunli tashkil etish hamda Vatanga muhabbat, milliy va umuminsoniy qadriyatlarga hurmat ruhida tarbiyalash masalalariga alohida e’tibor qaratildi.
Shu bilan birga, yoshlar va voyaga yetmaganlarni terrorizm, ekstremizm, zo‘ravonlik va shafqatsizlik g‘oyalaridan himoyalash, oilalar bilan manzilli ishlash, muammoli vaziyatlarni o‘z vaqtida aniqlash va bartaraf etish borasidagi ishlar ko‘rib chiqildi.

Ta’kidlash joizki, Takiya mahallasi yashil toifadagi hudud sifatida qayd etilgan bo‘lib, bu hududda jinoyatchilik va huquqbuzarliklarning oldini olish borasida olib borilayotgan profilaktik ishlarning samaradorligini ta’minlash muhim ahamiyat kasb etadi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram