Xalq deputatlari Jalaquduq tuman Kengashi deputati E. Qurbonov tomonidan O‘rg‘i MFYda aholini qo‘llab-quvvatlash va kambag‘allikni qisqartirish borasida amalga oshirilayotgan ishlar o‘rganildi.O‘rganish davomida mahallada hokim yordamchisi tomonidan aholini kambag‘allikdan chiqarish, bandligini ta’minlash va daromad manbalarini kengaytirish bo‘yicha olib borilayotgan ishlar samaradorligi tahlil qilindi. Shuningdek, O‘rg‘i MFY ijtimoiy xodimi tomonidan ijtimoiy ehtiyojmand aholi qatlamlariga ko‘rsatilayotgan xizmatlar sifati, kam ta’minlangan oilalarga ijtimoiy nafaqalar hamda moddiy yordamlarni tayinlash va to‘lash jarayonlari ham o‘rganildi.O‘rganish yakunida aniqlangan masalalar yuzasidan tegishli tavsiya va takliflar berildi hamda aholini ijtimoiy qo‘llab-quvvatlashga qaratilgan ishlar ustidan deputatlik nazorati davom ettirilishi ta’kidlandi.