Xalq deputatlari Toshloq tuman Kengashi raisi T.Soliyev tomonidan Kengash huzuridagi Yoshlar maslahat guruhi a’zolari ishtirokida seminar yig‘ilish o‘tkazildi. Mazkur yig‘ilishda kotibiyat bosh mutaxassisi M.Mahmudov, Yoshlar maslahat guruh a’zolari hamda faol yoshlar ishtirok etdi.

Yig‘ilish davomida tumanda yoshlar bilan ishlash tizimini yanada takomillashtirish, ularning bandligini ta’minlash, bo‘sh vaqtini mazmunli tashkil etish, tadbirkorlik faoliyatini qo‘llab-quvvatlash hamda ijtimoiy muammolarini hal etishda faollikni oshirish yuzasidan  tavsiyalar berildi.

Shuningdek, yoshlar tomonidan ilgari surilgan taklif va tashabbuslar tinglanib, ularni amaliyotga joriy etish yuzasidan aniq chora-tadbirlar belgilab olindi.