Xalq deputatlari Boyovut tuman Kengashi deputati Gulsara Rizayeva "U.Yusupov" mahallasidagi “Kamalak” nomidagi davlat sherikchiligidagi nodavlat maktabgacha ta’lim tashkilotida o‘rganish ishlarini olib bordi.

Tashrif davomida deputat tashkilotda bolajonlar uchun yaratilgan sharoitlar, ta’lim-tarbiya jarayoni sifati, oziq-ovqat mahsulotlari gigiyena va xavfsizlik talablari bajarilishi holatini ko‘zdan kechirdi.

Shuningdek, u muassasa rahbari va tarbiyachilar bilan suhbatlashib, maktabgacha ta’lim tizimini yanada takomillashtirish, bolalarning sog‘lom va barkamol ulg‘ayishiga xizmat qiluvchi tashabbuslarni qo‘llab-quvvatlash masalalarini muhokama qildi.