Bugun, xalq deputatlari Olmazor tumani Kengashi raisi Shaxnoza Umarxodjayeva hamkorligida va kotibiyat mudiri Davronbek Raxmatullayev ishtirokida "Yuqori Sebzor" va "Kaykovus" mahallalarida 2025 yilning to‘rtinchi choragi davomida amalga oshirilgan ishlar va kelgusi rejalarga oid batafsil axborot berdi. Uchrashuvda, shuningdek, Prezidentning yaqinda o‘tkazilgan yil yakuniga bag‘ishlangan Murojaatnomasi ham atroflicha muhokama qilindi.

Okrug deputati, mahalla yettiligi va saylovchilar bilan uchrashib, ular tomonidan bildirilgan takliflar va muammolarni tingladi. Shu bilan birga, Prezidentimizning Murojaatnomasida ko‘tarilgan dolzarb masalalar, jumladan, iqtisodiy barqarorlik, ta’lim, sog‘liqni saqlash va ijtimoiy yordam kabi sohalarda amalga oshirilayotgan islohotlar haqida so‘z yuritdi.

Axborot berishda, 4-chorak davomida bajarilgan ishlar va joriy holatlar ham muhokama qilindi. Deputat, aholining hayotini yaxshilash, ularning muammolarini hal qilish va kelgusida samarali qarorlar qabul qilish borasida davlat dasturlarini amalga oshirishda faol ishtirok etish niyatida ekanligini ta'kidladi.

Jumladan, mahalla fuqarolarining fikr-mulohazalari, takliflari va savollariga deputat tomonidan batafsil javoblar berildi. Shuningdek, muhokama jarayonida aholi o‘rtasida elektron tizimdan foydalanishning afzalliklarini keng targ‘ib qilishi kerakligini ta'kidlab, bu usul insonlarning hayotini soddalashtirishi va davlat xizmatlariga bo‘lgan ishonchni oshirishga yordam berishini ma'lum qildi.

Xulosa qilib aytganda, ushbu uchrashuvlar aholi bilan to‘g‘ridan-to‘g‘ri muloqot o‘rnatish va davlatning rejalari haqida tushuncha berish uchun muhim bir imkoniyat yaratdi. Xalq vakili o‘z faoliyatini davom ettirib, kelajakda ham jamoatchilik bilan yaqindan hamkorlikda ishlashni ta'kidladi.