Xalq deputatlari Chilonzor tumani Kengashining navbatdagi sessiyasida O‘zbekiston Respublikasi Prezidentining Toshkent shahar Chilonzor tumanidagi Xalq qabulxonasi tomonidan 2026-yilning 9 oyi davomida aholi murojaatlari bilan ishlash holati yuzasidan taqdim etilgan axborot eshitildi va muhokama qilindi.

Muhokama davomida jismoniy va yuridik shaxslarning murojaatlarini ko‘rib chiqish muddatlariga rioya etilishi, takroriy va jamoaviy murojaatlar, shuningdek, davlat tashkilotlari rahbarlarining shaxsiy va sayyor qabullari natijalariga e’tibor qaratildi.

Sessiyada aholi murojaatlari bilan ishlash samaradorligini oshirish, fuqarolar bilan ochiq muloqotni kuchaytirish, murojaatlarda ko‘tarilgan muammolarni o‘z vaqtida hal etish hamda bu boradagi ijro intizomini mustahkamlash masalalari muhokama qilindi.

Kun tartibidagi mazkur masala yuzasidan Xalq deputatlari Chilonzor tumani Kengashining tegishli qarori qabul qilindi.