Xalq deputatlari Parkent tumani Kengashiga 19-“Chashma” saylov okrugidan saylangan deputat Xojiboyev Jalol Xotamboyevich tomonidan “Xurriyat” mahallasida yoshlar yetakchisining faoliyati deputatlik nazorati doirasida o‘rganildi.
⏺ O‘rganish davomida mahalla yoshlar yetakchisi Abduxoliq Sayfullayevning yoshlar bilan ishlash tizimi, ularning muammolarini o‘rganish va mavjud masalalarni amaliy hal etish, yoshlarni ta’limga jalb qilish, bandligini ta’minlash, kasb-hunarga yo‘naltirish, tadbirkorlik tashabbuslarini qo‘llab-quvvatlash hamda bo‘sh vaqtini mazmunli tashkil etish borasidagi faoliyatiga alohida e’tibor qaratildi.
🗣 Yoshlar yetakchisi — mahalladagi har bir yoshning muammosi va imkoniyatini bilishi, uning kelajagiga befarq bo‘lmasligi lozim bo‘lgan muhim bo‘g‘in. Shu bois faoliyatni o‘rganish jarayonida yoshlar bilan olib borilayotgan individual va manzilli ishlarning mazmuni, qamrovi hamda amaliy natijalari atroflicha tahlil qilindi.
⏺ Ayniqsa, yoshlarning oliy ta’limga bo‘lgan intilishi va erishayotgan natijalari e’tiborga molik. Bugungi kunda “Xurriyat” mahallasidan 16 nafar yosh davlat oliy ta’lim muassasalariga, 18 nafar yosh esa xususiy oliygohlarga o‘qishga kirgani yoshlar bilan olib borilayotgan targ‘ibot-tushuntirish va yo‘naltirish ishlarining muhim natijalaridan biridir.
⏺ Har bir yoshning qiziqishi, iste’dodi, bilim olishga bo‘lgan ishtiyoqi va kelajakdagi maqsadini aniqlash, uni munosib yo‘nalishga yo‘naltirish — yoshlar yetakchisining eng muhim vazifalaridan biridir. Shu ma’noda, oliy ta’limga qadam qo‘yayotgan yoshlarni qo‘llab-quvvatlash, ularga ta’lim imkoniyatlari haqida to‘g‘ri va o‘z vaqtida ma’lumot berish, kasb tanlashida ko‘maklashish muhim ahamiyat kasb etadi.
🗣 Bandlik va kasb-hunar masalasi ham doimiy e’tiborda. Yoshlarni zamonaviy kasblarga o‘rgatish, ularning bo‘sh vaqtini foydali mashg‘ulotlarga yo‘naltirish, mehnat bozorida talab yuqori bo‘lgan kasblarni egallashiga ko‘maklashish hamda tadbirkorlikka qiziqayotgan yoshlarning tashabbuslarini qo‘llab-quvvatlash orqali ularning mustaqil hayotga tayyorgarligini kuchaytirish muhim vazifalardan biridir.
⏺ Shuningdek, yoshlarning bo‘sh vaqtini mazmunli tashkil etish, ularni sport, kitobxonlik, madaniy-ma’rifiy tadbirlar va turli foydali loyihalarga jalb etish orqali ularning ijtimoiy faolligini oshirishga alohida e’tibor qaratilmoqda.
🗣 Har bir yosh — alohida e’tibor va imkoniyatga munosib. Uning muammosini tinglash, taklifini qo‘llab-quvvatlash, qobiliyatini yuzaga chiqarish va kelajakdagi maqsadlari sari yo‘naltirish mahalladagi yoshlar yetakchisidan mas’uliyat, tashabbuskorlik va fidoyilikni talab etadi.
⏺ Deputatlik nazorati doirasidagi o‘rganish yakunida yoshlar bilan ishlashda manzillilik va samaradorlikni yanada oshirish, yoshlarning ta’lim, bandlik, kasb-hunar va tadbirkorlik borasidagi tashabbuslarini qo‘llab-quvvatlash muhimligi qayd etildi.
Yoshlarning bugungi yutug‘i — mahallaning ertangi taraqqiyoti!
🗣 Bilimli yosh — kelajak bunyodkori.
🗣 Kasbli yosh — oilasi va jamiyatiga tayanch.
🗣 Faol yoshlar — mahalla taraqqiyotining kuchli harakatlantiruvchi kuchidir.