Deputattıń baslaması menen máhállede abadanlastırıw jumısları ótkerildi.

Xalıq deputatları Bozataw rayonlıq Keńesi 13-sanlı “Porıltaw” saylaw okruginen (ÓzXDP) deputat K.Bisenov baslaması menen "El abadanlıǵı, eń dáslep, máhálleden baslanadı!" súreni astında “Porıltaw” elatında shembilik joqarı dárejede bolıp ótti.

Shembilikke “Porıltaw” aymaǵındaǵı puqaralar kóshe hám máhállelerdi abadanlastırıw ilajlarına qatnasıp átirap tazalıǵı hám abadanlıǵına óz úlesin qostı.

Bul iygilikli ilajda deputat máhállelerdiń aymaǵın abadanlastırıw, kóshelerdi tazalaw hám jasıl aymaqlardı tártipke keltiriw jumıslarına birgelikte qatnasıp aymaq turǵınların shembilikke belsene qatnasıwǵa, jasap atırǵan aymaqların taza hám abat saqlawǵa shaqırdı.