#940_Nızam
#5_sanlı_K_Nurlıbaev_saylaw_okrugi
#Milliy_tiklanish_demokretik_partiyası

⚡️⚡️Deputat mekteptiń gúzgi-qısqı máwsimge tayarlıq jaǵdayın úyrendi

✅ Ózbekstan Respublikasınıń 2024-jıl 7-avgust kúngi “Energiyanı únemlew, onnan aqılǵa uǵras paydalanıw hám energiya nátiyjeliligin arttırıw haqqında”ǵı ÓRN-940 Nızam talaplarınıń orınlanıwı maqsetinde, Xalıq deputatları Shımbay rayonlıq Keńesi sekretariat baslıǵı M.Zarikeev “Doslıq” MPJ aymaǵındaǵı 47-sanlı ulıwma bilim beriw mektebinde gúzgi-qısqı máwsimge tayarlıq jumıslarınıń barısı menen tanıstı.

Úyreniw dawamında mektep imaratınıń ısıtıw sisteması, qazanxana hám ısıtıw úskeneleriniń texnikalıq jaǵdayı, janılǵı rezervi, klass xanalarındaǵı temperaturanı normada saqlaw imkaniyatları jáne imarattıń qıs máwsimine tayarlıq dárejesi kózden ótkerildi. Sonday-aq, oqıwshılar hám pedagog xızmetkerler ushın qolaylı jáne qáwipsiz bilimlendiriw sharayatların jaratıw máselelerine ayrıqsha itibar qaratıldı.

Deputat bar mashqalalardı óz waqtında anıqlaw, ısıtıw sistemasınıń úzliksiz islewin támiyinlew, zárúr ońlaw jumısların sapalı orınlaw hám janılǵı rezervin qáliplestiriw boyınsha juwapkerler menen pikir alıstı.

Úyreniw juwmaǵında mekteptiń gúzgi-qısqı máwsimdi tabıslı ótkeriwi, bilimlendiriw procesiniń úzliksizligin támiyinlew hám oqıwshılar ushın múnásip sharayatlar jaratıw boyınsha tiyisli usınıslar bildirildi.