#298_qarar
#5_sanlı_K_Nurlıbaev_saylaw_okrugi
#Milliy_tiklanish_demokretik_partiyası

✅ Deputat jańadan qurılıp atırǵan kópirdegi qurılıs jumısları menen tanıstı

⚡️ Xalıq deputatları Shımbay rayonlıq Keńesi sekretariat baslıǵı M.Zarikeev rayon aymaǵındaǵı jańadan qurılıp atırǵan kópirde ámelge asırılıp atırǵan qurılıs jumıslarınıń barısı menen tanıstı.

Shımbay rayonı aymaǵındaǵı D233a avtomobil jolınıń 0,5 km de jaylasqan kópir Ózbekstan Respublikası Prezidentiniń 2025-jıl 8-oktyabr kúngi “Ayrıqsha rayon “qala” hám máhállelerdi xalıqtıń jasawı hám isbilermenlik xızmeti menen shuǵıllanıwı ushın úlgili aymaqka aylandırıw is-ilajları haqqında”ǵı PQ-298-sanlı qararına tiykar qurılıs ońlaw jumısların alıp barıw barılmaqta.

Úyreniw dawamında kópir qurılısınıń aǵımdaǵı jaǵdayı, orınlanıp atırǵan jumıslardıń sapası, qurılıs materiallarınan paydalanıw, sonday-aq, belgilengen qurılıs normaları hám qáwipsizlik talaplarına ámel etiliwine ayrıqsha itibar qaratıldı.
Sonday-aq, jańa kópirdiń xalıq ushın qolaylı háreketleniw sharayatların jaratıw, transport qatnawın jaqsılaw hám aymaqtıń infrastrukturasın rawajlandırıwdaǵı áhmiyeti atap ótildi. Deputat qurılıs jumısların belgilengen múddetlerde hám sapalı juwmaqlaw, puqaralardıń qáwipsizligin támiyinlew jáne bar kemshiliklerdi óz waqtında saplastırıw boyınsha tiyisli usınıslar bildirdi.

Bul úyreniwden tiykarǵı maqset — qurılıs jumıslarınıń sapası ústinen deputatlıq qadaǵalawdı ámelge asırıw, xalıq ushın qáwipsiz hám qolaylı infrastrukturanı qáliplestiriwge járdemlesiwden ibarat.