Xalq deputatlari Boyovut tuman Kengashi deputati Gulsara Rizayeva o‘z saylov okrugida mahalla yettiligi vakillari bilan uchrashuv o‘tkazdi. Uchrashuv davomida mahallada mavjud dolzarb masalalar muhokama qilinib, fuqarolar tomonidan bir qator muammolar ko‘tarildi.

Xususan, U. Yusupov mahallasining “Sug‘diyona” hamda “Registon” ko‘chalarida ichimlik suvi tarmog‘idan foydalanish holati va “Yoshlar orzusi” ko‘chasini shag‘allantirish masalalari atroflicha muhokama qilindi.

Shuningdek, deputat mahalla profilaktika inspektori bilan birgalikda chetdan kelgan, tibbiy ko‘rikdan o‘tmagan migrantlarni tibbiy ko‘rikdan o‘tkazishga jalb etish hamda boshqa masalalar yuzasidan fikr almashdi.