Xalq deputatlari tuman Kengashi deputati Z.Axmedova, kotibiyat bosh mutaxassisi M.Mahmudov hamda O‘zbekiston Liberal-demokratik partiyasi tuman Kengashi apparat rahbari A.O‘rmonovalar Ucholish mahalla fuqarolar yig‘inidagi Ucholish oilaviy shifokorlik punktida O‘zbekiston Respublikasining “Fuqarolar sog‘lig‘ini saqlash to‘g‘risida”gi Qonuni, shuningdek, O‘zbekiston Respublikasi Prezidentining sog‘liqni saqlash tizimini isloh qilishga qaratilgan qarorlari, xususan, birlamchi tibbiy xizmatni rivojlantirish va aholini dori vositalari bilan ta’minlashni yaxshilashga oid qarorlar ijrosi doirasida amalga oshirilayotgan ishlar bilan tanishdilar.

O‘rganishlar davomida bepul berilishi belgilangan dori vositalarining ro‘yxat asosida aholiga yetkazilishi, ularning hisobini yuritish va nazorat qilish tizimi ham o‘rganildi. Tibbiy xizmat sifatini yanada oshirish hamda aholining ehtiyojmand qatlamlarini to‘liq qamrab olish yuzasidan mas’ullarga tegishli tavsiyalar berildi.