Toyloq tuman hokimi tuman Kengashi rayisi Behzod Raxmatullayev tomonidan tadbirkorlar bilan doimiy ochiq muloqotlar tashkil etilmoqda. Xuddi shunday bugun ham tuman hokimi tadbirkorlar hamda tadbirkorlikni boshlash niyatida bo'lgan fuqarolarni qabul qildi.

Qabul jarayonida tadbirkorlarning o‘z faoliyatlari davomida uchrayotgan muammolar, taklif va tashabbuslari tingdandi. Ular tomonidan ko‘tarilgan masalalar orasida infratuzilma bilan bog‘liq murojaatlar, tadbirkorlik faoliyatini boshlash uchun kredit ajratish, yer maydonlari, shuningdek, ishlab chiqarishni kengaytirish bo‘yicha takliflar ham o‘rin oldi.

Tuman hokimi har bir murojaatni alohida tinglab, masalalarni joyida hal qilish yoki tegishli mutasaddilarga topshiriqlar berish orqali ularning yechimini tezlashtirishga alohida e’tibor qaratdi.