Xalq deputatlari Chinoz tumani Kengashi deputati Olimjon Isoqov tumandagi "Yollama" hududida joylashgan 63-sonli oilaviy shifokor punktida bo‘lib, bepul beriladigan dori vositalari bilan ta’minlash holatini o‘rgandi.

O'rganish davomida tibbiyot muassasasidagi mavjud dori-darmon zaxiralari, ularning saqlanish sharoiti hamda aholiga o‘z vaqtida va to‘liq yetkazib berilish jarayoni ko‘zdan kechirildi. Shuningdek, bemorlar uchun ajratilgan bepul dori vositalarining ro‘yxati va ularning amaldagi ta’minot darajasi tahlil qilindi.

O‘rganish jarayonida soha xodimlari bilan suhbat o‘tkazilib, mavjud muammolar va ularni bartaraf etish yuzasidan takliflar muhokama qilindi. Deputat tomonidan aniqlangan kamchiliklarni bartaraf etish hamda aholini sifatli tibbiy xizmat va zarur dori vositalari bilan ta’minlashni yanada yaxshilash bo‘yicha tegishli tavsiyalar berildi.