Xalq deputatlari Samarqand viloyati Kengashi deputati Anvar Norboyev 2025 yil birinchi yarim yillikda deputatlik faoliyati doirasida amalga oshirgan ishlari yuzasidan saylovchilari oldida hisobot berdi.

Ta’kidlanganidek, deputat o‘tgan davr maboynida 29-Qoradaryo saylov okrugi hududida joylashgan 19 ta mahallalarning barchasida aholi bilan uchrashuvlar o‘tkazib, ularni qiynab kelayotgan masalalarni o‘rgangan hamda muammolar yechimi bo‘yicha bir qator ishlarni amalga oshirgan.

“Kambag‘allikdan faravonlik sari” dasturi doirasida ish olib borgan Anvar Norboyev dastlab mavjud mahallalarda istiqomat qilayotgan, maktablarda ta’lim olayotgan chin yetim va yarim yetim bolalar ro‘yhatini shakllantirib, yashash sharoiti og‘ir bo‘lgan 95 ta xonadonga 47 000 000 (qirq etti million) so‘mlik kundalik ehtiyoj uchun zarur bo‘ladigan oziq-ovqat mahsulotlari jamlamasini yetkazib bergan.