Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq O‘zbekiston Ekologik partiyasidan saylangan deputat A.Abdujamilovga biriktirilgan kotibiyat mudiri J.Sadirov tomonidan tumanning “Burchmullo” mahallasida “Ochiq budjet” loyihasining 2026-yil 1-mavsumida fuqarolar tomonidan eng ko‘p ovoz to‘plab g‘olib deb topilgan 2891 metr uzunlikdagi mahalla ichki yo‘llarini asfaltlash ishlari joyiga chiqib o‘rganildi.

🔺O‘rganish davomida loyiha doirasida yo‘l qurilishi va asfaltlash ishlari mahalla aholisi uchun muhim ahamiyatga ega bo‘lgan ijtimoiy soha obyektlari va boshqa muhim manzillarga olib boruvchi yo‘llarda amalga oshirilganligi, bu o‘z o‘rnida fuqarolarning kundalik hayotida qulaylik yaratib, transport qatnovini yaxshilashga olib kelishi ma’lum qilindi.

🔺O‘rganish davomida asfaltlashtirish ishlari loyiha talablariga muvofiq bajarilganligi, asfalt qoplamasining kengligi va qalinligiga e’tibor qaratildi. Mazkur loyiha aholining bevosita tashabbusi asosida amalga oshirilayotgani bilan ahamiyatli bo‘lib, uning to‘liq va sifatli yakunlanishi mahalla infratuzilmasini yaxshilash hamda fuqarolar uchun yanada qulay sharoit yaratishga xizmat qilishi ta’kidlandi.