Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq O‘zbekiston Liberal demokratik partiyasidan saylangan deputat, tuman hokimi J.Axmedov tomonidan saylov okrugidagi “Boymirzayev”, “Uyenkulsay”, shuningdek, “Sari-Qangli” mahallalari fuqarolari bilan uchrashuv o‘tkazildi.

🔺Tadbir davomida mahalla aholisi tomonidan hududdagi ichki yo‘llarning holati, ta’mirtalab ko‘chalarni obodonlashtirish va ta’mirlash, shuningdek, aholini sifatli va uzluksiz ichimlik suvi bilan ta’minlash masalalariga alohida e’tibor qaratildi. Murojaatlarni batafsil tinglanib, mas’ul tashkilotlar bilan hamkorlikda amaliy choralar ko‘rish, aniqlangan muammolarni tegishli dastur va manzilli rejalarga kiritish hamda ularning ijrosini nazoratga olish zarurligini ta’kidladi.

🔺Shu bilan birga, tadbir davomida joriy yilning 21-may kuni sodir bo‘lgan sel toshqini oqibatida talafot ko‘rgan fuqarolarga moddiy yordam mablag‘lari topshirildi. Ushbu yordam tabiiy ofatdan zarar ko‘rgan oilalarni qo‘llab-quvvatlash, ularning og‘irini yengil qilish va yuzaga kelgan zararlarni bartaraf etishga ko‘maklashishga qaratildi. Moddiy yordam mablag‘larini topshirish jarayonida fuqarolar bilan suhbatlashilib, ularning hozirgi holati va qo‘shimcha ehtiyojlari ham o‘rganildi.

🔺Tadbir yakunida bildirilgan har bir murojaat e’tiborsiz qoldirilmasligi, aholi ko‘targan masalalarning yechimi yuzasidan tegishli tashkilotlar bilan hamkorlikda ish olib borilishi va amaliy natijalarga erishish muhimligi qayd etildi.