2026-yil aprel oyi boshida tasdiqlangan ish reja asosida Xalq deputatlari Ishtixon tuman Kengashi tomonidan belgilangan vazifalar ijrosini ta’minlash yuzasidan tizimli ishlar olib borilmoqda. O‘tgan 15 kun davomida hududni ijtimoiy-iqtisodiy rivojlantirish, aholi muammolarini o‘rganish va islohotlar ijrosini joylarda ta’minlashga alohida e’tibor qaratildi.

Xususan, sessiya kun tartibiga kiritilishi rejalashtirilgan masalalarni doimiy komissiyalar muhokamasiga kiritish uchun zarur tayyorgarlik ishlari amalga oshirildi. Masalalar yuzasidan dastlabki o‘rganishlar o‘tkazilib, tegishli tahliliy materiallar, ma’lumotlar va takliflar shakllantirildi.

Shuningdek, deputatlar tomonidan joylarga chiqilgan holda o‘rganishlar olib borilib, aholini qiynayotgan muammolar o‘rganildi. “Narpay tajribasi” asosida hududlarda tizimli o‘rganishlar tashkil etilib, aniqlangan kamchiliklarni bartaraf etish yuzasidan amaliy choralar belgilandi.

Hisobot davrida deputatlar tomonidan 24 ta muhim yo‘nalish bo‘yicha o‘rganishlar amalga oshirildi hamda 96 ta eng muhim qonun hujjatlarining joylardagi ijrosi tahlil qilindi. Aniqlangan kamchiliklar yuzasidan tegishli tashkilotlarga taklif va tavsiyalar ishlab chiqildi.

Bundan tashqari, deputatlar tomonidan vakolatlari doirasida bir qator deputat so‘rovlari yuborilib, dolzarb masalalar yuzasidan mas’ul tashkilotlardan asoslantirilgan javoblar olinishi yo‘lga qo‘yildi.

Amalga oshirilayotgan ishlar yuzasidan keng jamoatchilikni xabardor qilish maqsadida ijtimoiy tarmoqlar orqali muntazam ravishda ma’lumotlar e’lon qilinmoqda.

Umuman olganda, aprel oyining dastlabki 15 kunligi davomida Xalq deputatlari Ishtixon tuman Kengashi tomonidan belgilangan vazifalar izchil amalga oshirilib, doimiy komissiyalar muhokamasiga kiritiladigan masalalar yuzasidan puxta tayyorgarlik ishlari olib borildi.

Bizni ijtimoiy tarmoqlarda kuzating:

Telegramm (https://t.me/Ishtixon_tuman_Kengashi) | Web-sayt (https://kengash.gov.uz/ishtixon) | Facebook (https://www.facebook.com/share/1Aq9YsjUr2/) | Instagram (https://www.instagram.com/ishtixontumanikengashi?utm_source=qr&igsh=ZDZ4YjJvd3k3aGp2)