Uchrashuv davomida mahallada yoshlar bilan ishlashni tizimli yo‘lga qo‘yish, ularning bandligini ta’minlash hamda bo‘sh vaqtini mazmunli tashkil etish masalalariga alohida e’tibor qaratildi. Shuningdek, sport sohasini rivojlantirish, mavjud sport maydonchalarini ta’mirlash va yangi sport infratuzilmasini yaratish bo‘yicha takliflar muhokama qilindi.

🌳 “Yashil makon” umummilliy loyihasi doirasida hududda daraxt ekish, ko‘kalamzorlashtirish ishlarini kengaytirish hamda obodonlashtirish masalalari yuzasidan amalga oshirilayotgan va rejalashtirilayotgan ishlar haqida ma’lumot berildi.

🚔 Jinoyatchilik va huquqbuzarliklarning oldini olish, mahallada xavfsiz muhitni mustahkamlash, profilaktik tadbirlarni kuchaytirish masalalari ham muhokama markazida bo‘ldi.

Shuningdek, mahallada amalga oshirilishi rejalashtirilgan yangi loyihalar, infratuzilmani yaxshilash hamda aholining murojaatlari asosida dolzarb muammolarni hal etish yuzasidan ochiq muloqot o‘tkazildi.

🤝 Uchrashuv yakunida fuqarolar tomonidan bildirilgan taklif va muammolar tegishli tartibda nazoratga olinib, ularni bosqichma-bosqich hal etish bo‘yicha choralar ko‘rilishi ta’kidlandi.