Aholiga oʻz vaqtida sifatli tibbiy yordam koʻrsatilishi, bepul beriladigan dorilar bilan ta’minlash holatlari o‘rganildi. Xalq deputatlari Parkent tumani Kengashi deputatlari Maxmudova Baxtinisa Zuxriddinovna va Ashirmatova Xurshida Soliyevna ko‘p tarmoqli Markaziy shifoxonaga hamda Yoqubova Xusnora Abduxamidovna oʻzi saylangan okrugdagi “Nevich” oilaviy shifokorlik punktiga tashrif buyurdi. Tashrif davomida deputatlar aholiga o‘z vaqtida va sifatli tibbiy yordam ko‘rsatilishi, bepul beriladigan dorilar bilan ta’minlash jarayoni bilan yaqindan tanishdi. Bunda ko‘p tarmoqli Markaziy shifoxonaning umumiy iqtisodiy masalalar boʻyicha oʻrinbosari aholiga bepul yetkazib beriladigan dori vositalarini qabul qilish, saqlash va tarqatish tartibi, dorilar va tibbiy buyumlarga ehtiyoj qanday aniqlanishi hamda bu jarayonlarga kimlar mas'ul bo‘lishi haqida ma'lumotlarberdi. Deputatlar Fuqarolar bilan samimiy muloqotda ularning muammolari, taklif va ehtiyojlari tinglandi. Joylarda aholining sog‘lig‘ini asrash va dori vositalaridan to‘liq foydalanish imkoniyatlarini yanada yaxshilash masalalari muhokama qilindi.