Fuqarolar sog‘lig‘ini saqlash to‘g‘risidagi Qonun ijrosi o‘rganildi
Tuman Kengashi deputati M.Omonliqov tomonidan Qangli mfydagi tuman tibbiyot birlashmasiga qarashli oilaviy shifokorlik punktida manzilli o‘rganish ishlari olib borildi.
O‘rganishlar O‘zbekiston Respublikasining 1996-yil 29-avgustdagi 265-I-sonli «Fuqarolar sog‘lig‘ini saqlash to‘g‘risida»gi Qonuni ijrosi yuzasidan tashkil etildi.
O‘rganish davomida aholiga tibbiy xizmat ko‘rsatish sifati, fuqarolar uchun yaratilgan sharoitlar, oilaviy shifokorlik punktining moddiy-texnika bazasi hamda bepul beriladigan dori-darmon vositalari bilan ta’minlanganlik holati ko‘zdan kechirildi.
Shuningdek, tibbiy xizmat ko‘rsatishda qonun talablariga rioya etilishi va aholining tibbiy yordamdan foydalanish imkoniyatlari o‘rganildi.
O‘rganish yakunlariga ko‘ra, oilaviy shifokorlik punktida aholiga tibbiy xizmat ko‘rsatish uchun yaratilgan sharoitlar hamda mavjud imkoniyatlar ijobiy baholandi.