O‘zbekiston Respublikasi Prezidentining 2025-yil 8-oktyabrdagi PQ-298-sonli “Alohida tuman (shahar) va mahallalarni aholining yashashi va tadbirkorlik faoliyati bilan shug‘ullanishi uchun namunali hududga aylantirish chora-tadbirlari to‘g‘risida”gi qarori hamda Marg‘ilon shahar Kengashining 2026-yil 21-fevraldagi qarori ijrosi doirasida amalga oshirilgan ishlar deputatlik nazoratiga olindi.

Xususan, bugun Marg‘ilon shahridan o‘tgan 40V115 Farg‘ona shahar – Yangi Marg‘ilon shahar avtomobil yo‘lining 4 kilometr qismida yakunlangan ta’mirlash ishlari joyiga chiqib o‘rganildi.

O‘rganish jarayonida shahar Kengashi kotibiyati mudiri A.Ermatov, doimiy komissiya raisi X.Abdurahmonov hamda kotibiyat bosh mutaxassisi N.Akbarova, Farg‘ona viloyati Avtomobil yo‘llari hududiy boshqarmasi mas’ul xodimi B.Qalandarov hamrohligida bajarilgan ishlar atroflicha ko‘zdan kechirildi.

Joyiga chiqib o‘rganish davomida yo‘l qoplamasining sifati, asfalt yotqizish texnologiyasiga rioya etilgani, yo‘lning tekisligi va mustahkamligi alohida e’tiborga olindi. 

Shuningdek, yo‘l chetlarining mustahkamlanishi, suv chiqarish tizimi va harakat xavfsizligini ta’minlovchi belgilar holati ham sinchiklab o‘rganildi.

Ayrim kamchiliklarni bartaraf etish bo‘yicha mas’ullarga tegishli topshiriqlar berildi.

Deputatlik nazorati davomida asosiy e’tibor nafaqat ishlarning bajarilganiga, balki ularning sifati va uzoq muddat xizmat qilishiga qaratildi. Zero, yo‘l infratuzilmasi aholiga qulaylik yaratish bilan birga, transport xavfsizligini ta’minlashda muhim ahamiyat kasb etadi.