Oʻrganish vaqtida 2026-yil 5-fevraldagi O’zbekiston Respublikasi Prezidentining “Maktabgacha taʼlim va tarbiya tizimini yanada takomillashtirish chora-tadbirlari toʻgʻrisida”gi Farmoni yuzasidan olib borilayotgan ishlar muhokama qilindi.

Xususan, ushbu maktabgacha ta’lim muassasasi 180 nafar sig’imga ega, bugungi kunda 173 nafar tarbiyalanuvchi qatnaydi. Bu yilda maktabga chiquvchi tarbiyalanuvchilar soni 60 tani tashkil etadi.  

Shuningdek, deputat tomonidan maktabgacha yoshdagi bolalarning intellektual, maʼnaviy-axloqiy, ijodiy, jismoniy va har tomonlama yetuk shaxs boʻlib rivojlanishi uchun yaratilgan shart-sharoitlar, O’zbekiston Respublikasi Vazirlar Mahkamasining 2019 yil, 26 iyuldagi “Davlat maktabgacha ta’lim tashkilotlarida sog’lom ovqatlantirish tizimini yanada takomillashtirish to’g’risida”gi qaroriga muvofiq, tadbirkorlik subyektlari tomonidan tayyor ovqatlarni yetkazib berish, ularning sifati, sanitariya qoidalari, normalari va gigiyena normativlariga mos ekanligi ham o’rganildi.  

Oʻrganish yakunida deputat tomonidan bolalarning yoshi va rivojlanish bosqichlariga mos ravishda ijod va sanʼat, fan va matematika, jismoniy faollik va sarguzasht, til va tasavvur hamda robototexnika va ilk algoritmlash yoʻnalishlarida tematik oʻyingohlar tashkil etish bo’yicha tavsiyalar berildi.