Xalq deputatlari Uchquduq tuman Kengashi huzurida tashkil etilgan "Yoshlar maslahat guruhi" faoliyatini samarali yo‘lga qo‘yish hamda yoshlarga oid davlat siyosatini izchil amalga oshirish maqsadida navbatdagi yig‘ilish o‘tkazildi.

Mazkur yig‘ilishda Xalq deputatlari Uchquduq tuman Kengashi kotibiyat mudiri M.Kamolova hamda "Yoshlar maslahat guruhi" a’zolari ishtirok etdi.

Yig‘ilish davomida:

🔹 hududdagi yoshlar muammolarini aniqlash va ularni bartaraf etish mexanizmlari,

🔹 yoshlarning ijtimoiy-siyosiy faolligini oshirish,

🔹 qonunchilik hujjatlarining mazmun-mohiyatini yoshlar o‘rtasida keng targ‘ib etish,

🔹 yoshlar bandligi, ta’limi va bo‘sh vaqtini mazmunli tashkil etish masalalari muhokama qilindi.

Shuningdek, "Yoshlar maslahat guruhi"ning asosiy vazifalari va ustuvor yo‘nalishlari yuzasidan fikr almashilib, amaliy taklif va tashabbuslar ilgari surildi.

Yig‘ilish yakunida yoshlar bilan ishlash samaradorligini yanada oshirish, mavjud muammolarni tizimli hal etish hamda yoshlarning tashabbuslarini qo‘llab-quvvatlash bo‘yicha tegishli vazifalar belgilab olindi.