Markaziy poliklinikada korrupsiyaga qarshi o‘rganish o‘tkazildi

Xalq deputatlari Paxtachi tumani Kengashining Korrupsiyaga qarshi kurashish, davlat organlarida ochiqlikni ta’minlash va huquqiy masalalar bo‘yicha doimiy komissiyasi raisi A.Kamolov, komissiya a’zolari O.Xolmurodov, X.Eshmurodova hamda kotibiyat mudiri R.Magripova ishtirokida tumanning markaziy poliklinikasida korrupsiyaviy holatlarning oldini olishga qaratilgan o‘rganish ishlari olib borildi.

O‘rganish davomida fuqarolarga ko‘rsatilayotgan tibbiy xizmatlar sifati, ochiqlik va shaffoflik tamoyillariga rioya etilishi, noqonuniy to‘lovlar hamda manfaatlar to‘qnashuvining oldini olish masalalariga alohida e’tibor qaratildi.

Shuningdek, aniqlangan kamchiliklarni bartaraf etish, tizimda korrupsiyaga olib keluvchi omillarni kamaytirish hamda aholiga sifatli va adolatli xizmat ko‘rsatishni ta’minlash yuzasidan tegishli tavsiyalar berildi.