Xalq deputatlari tuman Kengashi deputati K.G‘oziyev hamda kotibiyat xodimlari tomonidan tumandagi 11-umumta’lim maktabida o‘quvchilarning sportga jalb etilishi, mavjud sport to‘garaklari faoliyati, shuningdek, sport jihozlari va sport zallarining holati o‘rganildi. Tashrif davomida o‘quvchilar uchun yaratilgan shart-sharoitlar, sport zallarining jihozlanishi, mavjud
inventarlarning holati hamda ulardan foydalanish samaradorligi o‘rganildi. Mas’ullar tomonidan ayrim sport jihozlarini yangilash, sport zallarini ta’mirlash va qo‘shimcha to‘garaklar tashkil etish zarurligi qayd etildi. O‘rganish jarayonida maktab rahbariyati va jismoniy tarbiya o‘qituvchilari bilan muloqot o‘tkazilib, yoshlarni sportga keng jalb qilish, ularning bo‘sh vaqtlarini mazmunli tashkil etish hamda iqtidorli o‘quvchilarni aniqlab, ularni qo‘llab-quvvatlash masalalari muhokama qilindi.