✅Hududda sifatli tibbiy yordam ko‘rsatilishi, ijtimoiy ko‘makka muhtoj-ehtiyojmand oilalarga e’tibor, xotin-qizlar bandligi, mahalla ichki ko‘cha-yo‘llari, ya’ni asfaltlashtirish ishlarining holati kabi masalalarni ko‘rib chiqishda deputatga tuman hokimi o‘rinbosari Gulbahor Aliyeva, mahalliy kengash deputati Isroiljon Turdaliyev va “Madad” NNT tuman huquqiy maslahat byurosi xodimi Ravshanbek Alijonov hamroxlik qildilar. 

✅Mahalladagi xususiy tadbirkorlar kichik korxonalarida ishlayotgan xotin-qizlar uchun yaratilgan ish sharoitlari o‘rganildi, murojaatlar bo‘yicha huquqiy maslahatlar berildi.  

✅Ijtimoiy ko‘makka muhtoj, ehtiyojmand oilalar holidan xabar olinib, ularga oziq-ovqat mahsulotlari tarqatildi. 

📌Shu o‘rinda “Madad” NNT haqida qisqacha tushuncha: mamlakatimizda fuqarolarning huquqiy savodxonlik darajasini oshirish va aholiga bepul yuridik yordam ko‘rsatish tizimini yanada takomillashtirish maqsadida “Madad” – muassasa shaklidagi nodavlat notijorat tashkiloti tashkil etilgan. “Madad” NNT mas’ul xodimlari murojaat qiluvchilarga huquqiy masalalar bo'yicha maslahat va tushuntirishlar berish, shuningdek tegishli huquqiy hujjatlar namunalarini taqdim etish yoki bunday hujjatlar loyihalarini tayyorlashda ko‘maklashish orqali bepul yuridik yordamlar ko‘rsatadi. 

  Xalq deputatlari Uchko‘prik tumani Kengashi