MAHALLADAGI YOSHLAR YETAKCHISI TOMONIDAN AMALGA OSHIRILAYOTGAN TADBIRLAR SAMARADORLIGI, YOSHLAR BANDLIGI O‘RGANILDI
Xalq deputatlari Parkent tumani Kengashiga 21-“Nevich” saylov okrugidan saylangan deputat Yoqubova Xusnora Abduxamidovna o‘zi saylangan okrugdagi “Novdak” mahallasida deputatlik nazorati doirasida yoshlar yetakchisi tomonidan amalga oshirilayotgan ishlar, yoshlar bandligini ta’minlash hamda bitiruvchilarni ta’limning keyingi bosqichiga yo‘naltirish holatini o‘rgandi.
⏺ O‘rganish davomida mahalla yoshlar yetakchisi Boltayev Amirjon Fayzullaevich tomonidan yoshlarni qo‘llab-quvvatlash, ularning bandligini ta’minlash, kasb-hunarga yo‘naltirish va ijtimoiy faolligini oshirish borasida amalga oshirilgan ishlar yuzasidan ma’lumot berildi.
📊 Bitiruvchilar bandligi 100 foizni tashkil etdi!
Taqdim etilgan ma’lumotlarga ko‘ra, joriy yilda mahallada jami 47 nafar bitiruvchi mavjud bo‘lib, ularning barchasi bandligi ta’minlangan. Jumladan:
🗣 5 nafar bitiruvchi doimiy ishga joylashtirilgan;
🗣 6 nafar bitiruvchi kasb-hunarga yo‘naltirilgan;
🗣 36 nafar bitiruvchi ta’limning keyingi bosqichiga qabul qilingan.
Shuningdek, mahallada yoshlarning bo‘sh vaqtini mazmunli tashkil etish, ularni sport musobaqalari va turli ijtimoiy tadbirlarga keng jalb qilish, kasbiy qiziqishlarini qo‘llab-quvvatlash hamda yoshlar tashabbuslarini rag‘batlantirishga qaratilgan ishlar ham amalga oshirilmoqda.
⏺ O‘rganish yakunida yoshlar bandligini ta’minlash borasidagi ishlarni izchil davom ettirish, bitiruvchilarni kasb-hunar va ta’lim yo‘nalishlariga maqsadli yo‘naltirish, shuningdek, har bir yoshning qiziqishi va ehtiyojidan kelib chiqib, ular bilan individual ishlash yuzasidan tegishli tavsiyalar berildi.
Xalq deputatlari Parkent tumani Kengashi deputatlik nazorati orqali mahallalarda yoshlar bilan ishlash samaradorligini oshirish, ularning bandligini ta’minlash va kelajagi uchun yangi imkoniyatlar yaratishga qaratilgan ishlarni e’tiborda tutadi.