#24_ta_masala

Mahallada hamkorlikni kuchaytirish masalalari muhokama qilindi

O‘zbekiston Respublikasi Prezidentining “Hududlarni rivojlantirish hamda aholi muammolarini hal etishda mahalliy Kengashlar deputatlari va senatorlarning ‘mahalla yettiligi’ bilan o‘zaro hamkorligini yanada kuchaytirish chora-tadbirlari to‘g‘risida”gi KQ-35-V-sonli qarori ijrosi yuzasidan amaliy ishlar davom etmoqda.

Mazkur qaror asosida “mahalla yettiligi” tomonidan belgilangan vazifalarni o‘zaro hamkorlikda samarali bajarish masalalariga alohida e’tibor qaratilmoqda.

Shu munosabat bilan Xalq deputatlari Sariosiyo tumani Kengashi deputati T.Mirzaev hamda xalq deputatlari tuman Kengashi huzuridagi “Ekspert guruhi” a’zosi M.Normo‘minova tumandagi “Xurshid” mahallasida bo‘lib, hududda olib borilayotgan ishlar, mavjud muammolar hamda ularni bartaraf etishda “mahalla yettiligi”ning o‘zaro hamkorligini yanada kuchaytirish masalalarini manzilli tahlil qilib, ishlar samaradorligini oshirish borasida o‘z tavsiyalarini berdilar.