Koreya siyosatchilarining 11-xalqaro forumi

Xalq deputatlari Chilonzor tuman Kengashi deputati Kim Marina Melisovna Koreaning Seul shahrida o‘tkazilgan Koreya siyosatchilarining 11-xalqaro forumida yangi siyosatchi sifatida ishtirok etdi.

Deputatimizning ushbu forumdagi ishtiroki xalqaro hamkorlikni kengaytirish va Koreya Respublikasi bilan do‘stona munosabatlarni yanada mustahkamlash yo‘lida muhim qadam bo‘ldi. Forum doirasida o‘tkazilgan uchrashuvlarda qo‘shma tashabbuslarni amalga oshirish istiqbollari, iqtisodiy va madaniy hamkorlik masalalari, shuningdek mahalliy boshqaruv organlari faoliyatini yanada samarali tashkil etish yo‘llari muhokama qilindi.

Bunday ishtirok faqat diplomatik munosabatlarni mustahkamlab qolmay, balki tajriba, bilim va innovatsiyalar almashish orqali davlat boshqaruvida yangi imkoniyatlar ham yaratadi.