Xalq deputatlari Ishtixon tuman Kengashi deputati Shaxodat Raximova tomonidan Qiyot mahallasida xotin-qizlar faoli faoliyati hamda mahallada xotin-qizlarni qo‘llab-quvvatlash borasida amalga oshirilayotgan ishlar samaradorligi o‘rganildi.

O‘rganishlar jarayonida mahallada xotin-qizlar bandligini ta’minlash, ularning ijtimoiy muammolarini hal etish hamda tadbirkorlik faoliyatini qo‘llab-quvvatlash bo‘yicha olib borilayotgan ishlar tahlil qilindi. Xususan, 2026-yil davomida Qiyot mahallasida istiqomat qiluvchi 95 nafar xotin-qiz “Ayollar daftari”ga kiritilgani ma’lum bo‘ldi. Mazkur ro‘yxat asosida ularning ijtimoiy-iqtisodiy muammolarini bartaraf etish, bandligini ta’minlash hamda turli yo‘nalishlarda qo‘llab-quvvatlash choralarini ko‘rish ishlari amalga oshirilmoqda.

Shuningdek, o‘rganishlar davomida 7 nafar xotin-qiz kasb-hunarga yo‘naltirilgani, 10 nafar xotin-qiz o‘z tadbirkorlik faoliyatini boshlash istagini bildirgani aniqlangan. Ularning tashabbuslarini qo‘llab-quvvatlash maqsadida tegishli tashkilotlar bilan hamkorlikda amaliy yordam ko‘rsatish ishlari olib borilmoqda.

Natijada, hozirga qadar 3 nafar xotin-qizga tadbirkorlik faoliyatini yo‘lga qo‘yishlari uchun imtiyozli kredit mablag‘lari ajratilgani qayd etildi. Bu esa ularning o‘z biznesini boshlashi, oilaviy daromadni oshirishi hamda mahallada bandlikni ta’minlashga xizmat qilmoqda.

O‘rganish yakunida mahallada xotin-qizlar bilan ishlash tizimini yanada takomillashtirish, ularning muammolarini manzilli hal etish hamda bandligini ta’minlash bo‘yicha tegishli tavsiyalar berildi.