Xalq deputatlari Ishtixon tuman Kengashi deputati Gulmira Safarova tomonidan Mohpar mahallasida joylashgan 29-son DMTTda saylovchilari bilan uchrashuv o‘tkazdi.

Mazkur uchrashuvdan ko‘zlangan asosiy maqsad — aholini qiynab kelayotgan muammolarni o‘rganish, joylarda mavjud ijtimoiy-iqtisodiy masalalarni aniqlash hamda ularning yechimi yuzasidan tegishli chora-tadbirlarni belgilashdan iborat bo‘ldi. Uchrashuv davomida fuqarolar tomonidan kommunal xizmatlar sifati, yo‘l infratuzilmasi, ijtimoiy yordam olish tartibi, bandlik masalalari hamda boshqa dolzarb muammolar yuzasidan murojaatlar bildirildi.

Deputat Gulmira Safarova tomonidan har bir murojaat atroflicha tinglanib, ularni qonuniy asosda hal etish bo‘yicha tegishli tashkilotlarga deputatlik so‘rovlari yuborilishi, muammolarni bartaraf etish yuzasidan amaliy yordam ko‘rsatilishi ta’kidlab o‘tildi. Shuningdek, ayrim masalalar yuzasidan fuqarolarga huquqiy tushuntirishlar berildi,

Uchrashuv jarayonida aholining ijtimoiy himoyasini kuchaytirish, hududni obodonlashtirish, yoshlar bandligini ta’minlash hamda xotin-qizlarni qo‘llab-quvvatlash masalalariga ham alohida e’tibor qaratildi. 

Mazkur uchrashuv fuqarolar bilan ochiq muloqotni yo‘lga qo‘yish, aholini o‘ylantirayotgan muammolarni o‘z vaqtida aniqlash hamda ularni ijobiy hal etishga xizmat qilishi bilan muhim ahamiyat kasb etdi. Bu kabi uchrashuvlarni muntazam ravishda tashkil etish orqali aholi bilan samarali muloqotni yo‘lga qo‘yish va ularning ishonchini mustahkamlash ko‘zda tutilgan.