Xalq deputatlari Ishtixon tumani Kengashining Аgrar, suv xo‘jaligi va ekologiya masalalari bo‘yicha doimiy komissiyasi yig‘ilishida Ishtixon tuman hududida joylashgan umumta’lim muassasalari va maktabgacha ta’lim tashkilotlarining chiqindi konteynerlari bilan ta’minlanganlik darajasi hamda kelgusida amalga oshirilishi rejalashtirilgan chora-tadbirlar masalasi muhokama qilindi.

Yig‘ilishda Ishtixon tumani Maktabgacha va maktab ta’limi bo‘limi boshlig‘i Sh. Uraqovning hisoboti eshitildi.

Ma’lumotlarga ko‘ra, tumanda jami 98 ta umumiy o‘rta ta’lim maktabi hamda 36 ta davlat maktabgacha ta’lim tashkiloti faoliyat yuritmoqda. Hozirgi kunda 39 ta maktabga jami 52 dona chiqindi konteyneri o‘rnatilgan. Shuningdek, davlat dasturlari asosida rekonstruksiya qilinayotgan va qo‘shimcha binolar qurilayotgan ta’lim muassasalarida loyiha asosida chiqindi konteynerlari o‘rnatilishi ta’minlangan.

Bundan tashqari, 2026-yil davomida yana 5 ta davlat maktabgacha ta’lim tashkiloti hamda 3 ta umumta’lim maktabiga chiqindi konteynerlari o‘rnatish rejalashtirilganligi ta’kidlandi.

Muhokama jarayonida komissiya a’zolari tomonidan:

• barcha ta’lim muassasalarida ehtiyojni to‘liq xatlovdan o‘tkazish;
• chiqindilarni o‘z vaqtida olib chiqish tizimini kuchaytirish;
• ekologik madaniyatni oshirish bo‘yicha targ‘ibot ishlarini yo‘lga qo‘yish;
• masalani bosqichma-bosqich to‘liq hal etish yuzasidan aniq choralar belgilash bo‘yicha tavsiyalar berildi.

Yig‘ilish yakunida mazkur masalani Kengash sessiyasi kun tartibiga kiritish hamda tegishli qaror loyihasini tayyorlash yuzasidan takliflar qo‘llab-quvvatlandi.

🌿 Ekologik toza muhitni ta’minlash – barchamizning ustuvor vazifamiz!