Xalq deputatlari Ishtixon tuman Kengashi deputati Jamol Mavlyanov o‘z saylov okrugidagi Damariq mahallasi hududdagi eng dolzarb muammolardan biri — mahallaning assosiy yo‘llarining holatini joyiga chiqib o‘rgandi.

O‘rganish jarayonida mahalla hududidagi mavjud yo‘llarning bugungi kundagi holati, ularning ta’mirtalabligi, ayrim ko‘chalarda harakatlanish uchun noqulayliklar yuzaga kelayotgani hamda yog‘ingarchilik mavsumida yo‘llardan foydalanishda aholi duch kelayotgan muammolar atroflicha ko‘zdan kechirildi. Xususan, yo‘l qoplamasining eskirgani va transport vositalari harakatlanishi qiyinlashgani mahalla aholisi tomonidan asosiy muammolardan biri ekanligi ma’lum bo‘ldi.

Deputat tomonidan mahalla hududagi asosiy yo‘llarni ta’mirlash, ularni bosqichma-bosqich tartibga keltirish ishlarini amalga oshirish yuzasidan tegishli tashkilotlar bilan hamkorlikda ish olib borish zarurligi ta’kidlandi. Shuningdek, mazkur masala yuzasidan mutasaddi idoralarga takliflar kiritish hamda mavjud muammoni bartaraf etish bo‘yicha amaliy choralar ko‘rish rejalashtirildi.