Bozatawda baslanǵısh partiya shólkeminiń esabat-saylaw jıynalısı bolıp ótti. Ózbekstan XDP Bozataw rayonlıq Keńesiniń "Qusxanataw" APJ janındaǵı baslanǵısh partiya shólkeminde esabat-saylaw jıynalısı bolıp ótti.

Onda partiyanıń Bozataw rayonlıq Keńesi baslıǵı I.Jiemuratov, baslanǵısh partiya shólkeminiń aǵzaları hám partiya belsendileri qatnastı.

Ilaj dawamında "Qusxanataw"APJ janındaǵı baslanǵısh partiya shólkeminiń baslıǵı Islambek Jiemuratovtıń esabatı tıńlandı. Onda shólkemniń ótken dáwirde ámelge asırǵan jumısları, sonıń ishinde, partiyanıń baǵdarlamalıq maqset hám wazıypaların xalıq arasında úgit-násiyatlaw, partiya qatarına jańa aǵzalardı tartıw baǵdarında alıp barılǵan jumıslar haqqında maǵlıwmat berildi.

Kún tártibindegi máseleler boyınsha Bozataw rayonlıq partiya Keńesiniń baslıǵı G.Yusupova hám partiya belsendisi O.Aitımbetov óz pikir-usınısların bildirip, shólkemniń jumısın bunnan bılay da jetilistiriw boyınsha usınıslar berdi.

Esabat-saylaw jıynalısında Islambek Jiemuratov "Qusxanataw" APJ janındaǵı baslanǵısh partiya shólkeminiń baslıǵı etip qayta saylandı hám kún tártibindegi máseleler boyınsha tiyisli qararlar qabıl etildi.