Xalq deputatlari Guliston shahar Kengashi deputati Jahongir Xolbayev Shodlik mahallasi fuqarolari bilan navbatdagi uchrashuvni o‘tkazdi. Unda shahar hokimi o‘rinbosari J. Xolmuhammedov ham ishtirok etdi.

Uchrashuv davomida deputat tomonidan o‘tgan davr mobaynida amalga oshirilgan ishlar, hududni ijtimoiy-iqtisodiy rivojlantirish yo‘lida olib borilayotgan chora-tadbirlar hamda kelgusidagi ustuvor vazifalar haqida batafsil ma’lumot berildi.

Shundan so‘ng fuqarolar bilan ochiq muloqot tashkil etilib, mahalla aholisi o‘zlarini qiynab kelayotgan masalalar yuzasidan murojaatlarini bildirdi. Jumladan: • tungi yoritish chiroqlarining ishlamayotgani

• yo‘l infratuzilmasini yaxshilash uchun lotoklar va piyodalar yo‘laklari zarurligi

• ayrim uy-joylarni ta’mirlash masalalari

• uyga suv kirib ketayotganligi

• gaz tarmog‘i uchun trubalar zarurligi

Bildirilgan murojaatlar deputat tomonidan qayd etilib, ularni tegishli tashkilotlar bilan hamkorlikda o‘rganish hamda ijobiy hal etish bo‘yicha zarur choralar ko‘rilishi belgilandi.

Bunday uchrashuvlar aholining muammolarini joyida o‘rganish, ularning taklif va tashabbuslarini qo‘llab-quvvatlash hamda hudud taraqqiyotiga xizmat qiluvchi muhim muloqot maydoniga aylanmoqda.