Aholi uchun zarur mahsulotlar narxi va mavjudligi o‘rganildi

Xalq deputatlari Termiz tuman Kengashi 4-Yangihayot saylov okrugi deputati G. Shafoatova hamda Kengash mutaxassisi K. Abdullayeva tomonidan deputat saylangan Yangihayot MFY hududidagi savdo shoxobchalarida o‘rganish ishlari olib borildi.

O‘rganish jarayonida “Mahalliy Kengash deputati faoliyatining eng muhim yo‘nalishlari bo‘yicha tavsiyalar” asosida aholi iste’moli uchun eng zarur bo‘lgan oziq-ovqat va kundalik ehtiyoj mahsulotlarining narx-navosi, savdo nuqtalaridagi mavjudligi hamda mahsulotlarning yetarliligi ko‘zdan kechirildi.

Shuningdek, aholining kundalik ehtiyojlari uchun zarur mahsulotlarni uzluksiz ta’minlash, narxlarning asossiz oshib ketishining oldini olish va iste’molchilar manfaatlarini himoya qilish masalalariga e’tibor qaratildi.
Aniqlangan holatlar yuzasidan tegishli tavsiya va takliflar berildi.