Keksa va nogironligi bo‘lgan fuqarolarga sayyor tibbiy xizmat ko‘rsatildi

👩‍⚕️ Xalq deputatlari tuman Kengashiga 20-Sayrob saylov okrugidan saylangan deputat, 8-sonli oilaviy poliklinika mudirasi Vohidova Barno Primqulovna tomonidan keksa, nogironligi bo‘lgan hamda yotib qolgan fuqarolar holidan xabar olindi.

🏠 Tashriflar davomida fuqarolarning uylariga chiqqan holda chuqurlashtirilgan tibbiy ko‘rik va tibbiy xizmatlar ko‘rsatildi. Ularning salomatlik holati o‘rganilib, mavjud shikoyatlari tinglandi.

✅ Shuningdek, fuqarolarga salomatlik holatidan kelib chiqqan holda zarur tibbiy tavsiyalar berilib, ularning davolanish jarayonini nazorat qilish va zarur tibbiy yordam bilan ta’minlash masalalariga e’tibor qaratildi.

🤝 Ayniqsa, mustaqil ravishda tibbiy muassasaga borish imkoniyati cheklangan keksa, nogironligi bo‘lgan va yotib qolgan fuqarolarga tibbiy xizmatni bevosita xonadonlarida ko‘rsatish ularga qulaylik yaratishda muhim ahamiyat kasb etmoqda.

🌿 Maqsad — aholining ijtimoiy himoyaga muhtoj qatlamlarini tibbiy xizmat bilan qamrab olish, ularning salomatligini muntazam nazorat qilish hamda sifatli tibbiy yordamni aholi xonadonlariga yaqinlashtirish.