#Deputat_nazorati
#ish_reja_ijrosi

❗️8-sonli maktabgacha ta’lim tashkilotidagi sharoitlar o‘rganildi

Xalq deputatlari Paxtakor tumani Kengashi deputatlari S. Ulug‘murodov, K. Mamanova, N. Sulaymonov hamda ekspert guruhi a’zosi M. Abdullayev tomonidan 8-sonli maktabgacha ta’lim tashkilotida o‘rganish ishlari olib borildi.

O‘rganish davomida tarbiyalanuvchilar uchun yaratilgan sharoitlar, guruh xonalarining holati, sanitariya-gigiyena talablari hamda bolalarning xavfsizligi masalalariga e’tibor qaratildi.

Shuningdek, tashkilotda oziq-ovqat mahsulotlarining saqlanishi, ularning yaroqlilik muddati va belgilangan talablarga muvofiq saqlanish holati ko‘zdan kechirildi.

Bundan tashqari, tashkilotning kuz-qish mavsumiga tayyorgarlik holati, isitish tizimi va mavsumni betalofat o‘tkazish uchun yaratilgan sharoitlar o‘rganildi.