Payariq tumanida ichki yo‘llarni saqlash va joriy ta’mirlash ishlari bo‘yicha manzilli dasturga o‘zgartirish va qo‘shimchalar kiritildi

Xalq deputatlari Payariq tumani Kengashining 2026-yil 14-sentabrdagi VII-31-98-7-100-K/26-son qarori bilan Payariq tumani Obodonlashtirish boshqarmasi tasarrufidagi ichki yo‘llarni saqlash va joriy ta’mirlash ishlari bo‘yicha 2026-yil uchun tasdiqlangan dastlabki manzilli ro‘yxatga o‘zgartirish va qo‘shimchalar kiritildi.

Qaror qabul qilinishida hududlarda o‘tkazilgan o‘rganishlar, ichki yo‘llarning texnik holati, fuqarolar murojaatlari hamda yo‘l infratuzilmasiga bo‘lgan ehtiyojlar asos qilib olindi. Shu asosda ayrim obyektlarni qayta ko‘rib chiqish va ta’mirlashga ko‘proq ehtiyoj mavjud bo‘lgan ichki yo‘llarni manzilli dasturga kiritish belgilandi.