Xalq deputatlari Shirin shahar Kengashi deputati D. Danayev tomonidan Do‘stlik mahallasi hududida joylashgan ko‘p qavatli uylarda olib borilayotgan qurilish va ta'mirlash ishlari joyiga chiqqan holda o‘rganildi.

Xususan, Shirin shahar Do‘stlik MFY, X. Do‘stligi ko‘chasi, 1/2-sonli ko‘p qavatli uyda amalga oshirilayotgan:
binoning fasad qismini bazalt qoplamasi bilan qoplash;
tom qismini ta'mirlash;
kirish yo‘laklarini rekonstruksiya qilish;
tutash hududlarni obodonlashtirish ishlari ko‘zdan kechirildi.

O‘rganish jarayonida qurilish ishlarining sifati, belgilangan muddatlarda yakunlanishi hamda aholiga qulay sharoitlar yaratish masalalariga alohida e'tibor qaratildi.

Deputat tomonidan mas'ul tashkilotlar vakillariga ishlarni sifatli va belgilangan muddatlarda yakunlash yuzasidan tegishli tavsiyalar berildi.