Xalq deputatlari Surxondaryo viloyati Kengashi deputati A.Oripov hamda Xalq deputatlari Oltinsoy tuman Kengashining 18-“Olmazor” saylov okrugidan saylangan deputati Xo‘jaqulov Xurram Ziyatovich boshchiligida “Ekraz” mahallasida mahallani “Yangi O‘zbekiston qiyofasi”ga keltirish borasida amalga oshirilayotgan ishlar xonadonbay va joyiga chiqqan holda o‘rganildi.

O‘rganish jarayonida O‘zbekiston Respublikasi Prezidenti Sh.M.Mirziyoyev raisligida o‘tkazilgan videoselektor yig‘ilishida belgilangan vazifalarning ijrosini ta’minlash masalalariga alohida e’tibor qaratildi. Tadbirda mahalla yettiligi vakillari, ko‘chaboshilar hamda faol va nuroniy fuqarolar ishtirok etdi.

O‘rganish davomida quyidagi asosiy yo‘nalishlar tahlil qilindi:

📌 Kambag‘allikni qisqartirish va bandlik: Aholi bandligini ta’minlash, xonadonlarning daromad manbalarini ko‘paytirish hamda oilaviy tadbirkorlik tashabbuslarini qo‘llab-quvvatlash choralari ko‘rib chiqildi.

📌 Aholi bilan muloqot: Doimiy muloqot asosida fuqarolarni qiynayotgan maishiy va ijtimoiy muammolarni bartaraf etish yuzasidan tegishli mas’ullarga topshiriq va tavsiyalar berildi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz